HETO na naman si Kris Aquino na very open sa pagbibigay ng kanyang saloobin patungkol sa usaping Bea Alonzo, Gerald Anderson at Julia Barretto kahit pa nga nagpahayag na si Bea na she will move on at nag-post pa siya ng “Enough” sa kanyang Instagram account.
Alam naman natin kung paano magmahal ng kaibigan si Kris kaya naman gets namin kung nakikisawsaw man siya sa isyu para ipagtanggol ang BFF niyang si Erich Gonzalez na nadadawit na rin sa kontrobersya. Alam naman siguro ni Kris na si Erich ang best friend ni Julia kaya natural lang na makaladkad ang pangalan niya sa isyu lalo pa nga’t matunog ang bulong-bulungan na si Erich ang tulay sa pagkakamabutihan nina Julia at Gerald.
May usap-usapan kasing sa bahay umano ni Erich inihahatid ng kanyang driver si Julia, pagkatapos ay iiwan na ang dalaga roon kung saan darating naman si Gerald para sunduin ang dalaga. May ganung chika kaya di maiwasang madawit talaga si Erich.
Isang netizen ang walang takot na nagtanong kay Kris.
“Kris, ask naman Erich about the Julia-Bea feud, she’s BFF with Julia and friends with Gerald.”
Doon na umentra si Kris at ipinagtanggol si Erich na ‘wag idamay sa isyu.
“Pwedeng ‘wag nega? And ang hindi natin buhay ‘wag na natin guluhin especially Erich na hindi directly involved? Obviously alam natin mahal ko si Bea but di ba unfair to judge Julia because why do we always blame the girl?” pagtatanggol ni Kris kay Julia.
Sabi pa ni Kris, “I can already feel the Gerald fans will blast me for this, but I have always told Bimb, ‘Hindi mahirap makipag-break. Respect someone you cared about enough to give them closure. Then move on.’ Ganun lang ka-simple ‘yun.”
She continued, “Masakit ang goodbye pero mas masakit ang hindi worth a goodbye. So please respect women? And don’t pit them against each other. Even those with no issues.”
In fairness, napakaganda ng punto ni Kris at sang-ayon kami sa kanya.
![](https://saksingayon.com/wp-content/plugins/dp-post-views/images/eyes.png)